Бұл мақалада нарықтағы бәсекелестердің арасынан басымдылық алатын қызметтер жайлы. Жалпы брендті дамыту жайлы ақпараттар, жане оның тиімді жолдары жайлы айтылады.
Кілттік сөздер: бренд, видео қызмет, акпараттық технология, брентиг, тұтынушы, өнім, әлеуметтік желі, стратегия.
В данной статье речь идет об услугах, которые занимают приоритет среди конкурентов на рынке. В целом, информация о развитии бренда, а также о его эффективных путях.
Ключевые слова: бренд, видеосервис, информационные технологии, Брент, потребитель, продукт, социальная сеть, стратегия.
Ақпараттық және технологиялық заманның қарқынды дамуына байланысты ақпараттық таратылу түрлері де көбейді. Соның ішінде видео нұсқадағы жарнаманың рөлі жоғары. Дегенмен, коммуникация құралы ретінде тек бір реттік видео нұсқадағы жарнаманы қолдану кәсіпорынның брендін қалыптастыру мен нығайту үшін жеткіліксіз. Осыған байланысты бірінші ретте брендинг пен жылжыту құралы ретінде видео не екені қарастырайық. Ал екінші ретте видео қызметтің брендингті нығайтудағы рөлі мен рөлін анықтау үшін оны қолданудың басты ережелерін қамтып өтеміз. Американдық маркетинг ассоцияциясы бойынша бренд бұл бір сатушының немесе сатушылар тобының тауарларын немесе қызметтерін сәйкестендіруге, сондай-ақ тауарларды немесе қызметтерді бәсекелестердікінен айыруға арналған атауы, термині, белгісі, нышаны, дизайны немесе осылардың жиынтығы [1]. Яғни, брендинг үрдісі сәйкестендіру және бәсекелестерден айырушы қызметін атқарады. Осы қызметті атқарудағы видео қызметтің рөлі қазіргі уақытта жоғары, себебі әлемде видео нұсқадағы ақпаратқа сұраныс жыл сайын өсуде [2] . Сонымен, Видео нұсқадағы жарнамада тұтынушылар кәсіпорын оларға не ұсына алатындығын және кәсіпорынға неге сену керек екенін өздері көре алатын құрал. Бірақ олар тиімді болуы үшін кәсіпорынның бейнелері брендті күшейтуі керек, сонда тұтынушылар кәсіпорыннан не күтуге болатынын және ол кәсіпорынмен не үшін байланысу керектігі туралы нақты түсінікке ие болады. Сәйкесінше, кәсіпорындағы видеоны маркетингтік құрал ретінде пайдаланудың маңыздылығы анықталды.
Біріншісі, түпкі идея анық болу керек. Видеоның алғашқы бірнеше секундтары түсінікті болуы маңызды. Себебі, аудитория кәсіпорынның қандай екенін бірінші ретте түсінуі маңызды. Алғашық уақыттан бастап компанияның қандай мақсатпен, қандай мәселені шешетінін, бастысы қандай құндылық беретінін тұтынушыға түсіндірудің өзі біршама жұмысты талап етеді. Дегенмен бұл бірізділікті сақтайды және тұтынушы ары қарай қалған видео уақытын кәсіпорынның брендін қабылдауға уақытын жұмсайды. Сондай-ақ, аудиторияға білім беру, өнімді ұсыну немесе қызметтердің тарихын баяндау үшін кәсіпорынның мақсатын анықтау керек. Бұл кәсіпорынның аудиториясы кәсіпорынның не істейтінін көрсетіп, оны әлеуетті тұтынушының қызығушылығын оятады. Егер кәсіпорынның аудиториясы видеоны көруді тоқтатса, онда жасалынған видео бренд үшін ешнәрсе жасамайды.
Екіншісі, мақсатты нарықты анықтау. Видеоны жылжыту құралы ретінде пайдалана бастаудан бұрын, кәсіпорын басшылаы мақсатты аудиторияны анықтауы қажет. Себебі, барлық аудиторияға бірдей стандартты видео жарнама жасау мүмкін емес. Сол себепті нақты кәсіпорын ұсынатын қызмет немесе тауарды тұтынатын әлеуетті аудиториясын анықтап алған жөн. Сонымен қатар, мақсатты аудиторияны анықтап жасалынған видео арқылы кәсіпорын тек бренд ретінде танылып қоймай, сонымен қатар өзінің әлеуетті аудиториясына жету және нәтижелерді көру ықтималдығын арттырады.
Үшіншісі, тұтынушыларға қызықтыратын ақпарат беріңіз. Кәсіпорын қызметкерлері болсын, тұтынушылар болсын барлығына қызықты болатын әңгімелер мен оқиғаларды видеоны құрастыру керек. Бұл жақта тұтынушы кәсіпорынның логотипі мен фирмалық стилінің артында нақты адамдар тұрғанын көре алатындай болу керек. Бұл тұтынушы мен кәсіпорын арасында байланыс орнатуға мүмкіндік береді. Сәйкесінше, кәсіпорынның брендіне тұтынушы тарабынан эмоциялық байланыс орнап, кәсіпорынға ниеттес тұтынушылар көбейетінін көрсек болады.
Төртіншісі, компанияның қызметін немесе тауарын сатуды тек өткізу бөліміне ғана тапсыруға болмайды. Ол үшін қызметті тұтынуған немесе тауарды сатып алған тұтынушылардың пікірлерін тиімді пайдалану қажет. Осы кезде кәсіпорынның тұтынушылар арасында ниеттестігін арттыратын видео жарнамаларда тұтынушылардың пікірінің болуы, кәсіпорындағы сату деңгейіне жоғары әсер етеді [3].
Бесіншісі, тауарды немесе қызметті тұтынудың тәжірибесін видео арқылы бөлісу. Теориялық тұрғыда кәсіпорын қызметкерлері мен басшыларының пікірлерін бөлісуін видео нұсқада пайдалану. Әлеуетті тұтынушылардың сеніміне ие болып, ниеттестігін арттыру және бренді танылудың мақсат қойған кәсіпорын өз өнімін пайдалануда қандай тәжірибеден өтетін алдыңғы ережедегідей кәсіпорынның шынайы екендігін көрсетеді. Бұндай нұсқадағы видео контент көптеген кәсіпорындар әлі күнге дейін пайдаланып үлгерген жоқ. Дегенмен, бұл брендке деген сенімді ұлғайтыны анық. 2021 жылғы есеп бойынша адамдардың 94 пайызы өнім немесе қызмет туралы көбірек білу үшін оқыту видеоларын қарады, сондықтан кәсіпорынның бұндай әрекетке баруы бекер болмайды [4].
Алтыншысы, тұтынушыларды әрекетке шақыру қажет. Әрбір видео жарнама кәсіпорын тарабынан тұтынушыларды белгілі бір әрекетке шақыру болып табылады. Дегенмен, көп видео жарнамаларда кәсіпорын тұтынушыларынан нақты нені қалап тұрғанын жеткізе алмайды [5]. Сол себепті әрбір видео жарнама белгілі бір әрекетке итермелеу керек. Егер әлеуетті тұтынушылар белгілі бір әрекет жасаса, ол бірінші ретте қызыққан аудиторияны зерттеуге және соның нәтижесінде келесі бренді қалыптастырушы және нығайтушы құрал ретінде видеоны дұрыс пайдалануға негіз болады.
Осылайша, кәсіпорынның брендін нығайту үшін видеоны маркетингтік құрал ретінде пайдаланудың негізгі ерекшеліктері анықталды. Маркетингтің бөлігі ретінде видеоны қолдану барлық көлемдегі компанияларда, соның ішінде орта және шағын кәсіпкерлікте танымал болып келеді. Мысалы, Renderforest Survey сауалнамасы бизнестің дамуына көмектесетін видеолардың әсерін зерттегенде видеоның брендтің танылуына әсері жоғары деген нәтижеге келді (кесте-1).
Сур. 1. Видеоның бизнестің дамуына әсері [6]
Сәйкесінше, видео қызмет көрсету кәсіпорындары нарықтағы видео қызметті өздері атқара алмайтын кәсіпорындардың брендінің танылуы үшін өз қызметтерін ұсына алады [7]. Осылайша, біз видеоның маркетингтік құрал ретінде брендтің танылуына әсері жоғары екенін көрдік.
Қорытындылай келе, қазіргі заман талаптарына сәйкес видеоның брендтің нығаюына әсері қандай екендігін және оның рөлі мен тиімді пайдалану әдістерін анықтадық. Осылайша, маркетингтік коммуникация құралының кәсіпорынның брендін қалыптастыруында рөлі жоғары екендігін де көруге болады. Сонымен қатар, видеоны маркетингтік құрал ретінде пайдалан алса да, оны өндіре алмайтын видео қызмет көрсету кәсіпорындарының қызметінің маңыздылығын көрсек те болады. Себебі, видео жарнама брендтің таралуына әсері жоғары деп саналатын зерттеу жұмысы шағын және орта бизнестегі кәсіпорындарды талдады. Сәйкесінше, барлық шағын және орта кәсіпорындар видео жарнаманы жасауға мүмкіндігі жетпесе де, бұндай қызмет ұсынатын кәсіпорындарға да жүгіне алады. Осылайша, видеоның маркетингтік құрал ретінде маңыздылығы мен өзектілігін анықтадық.
Әдебиет:
- American Marketing Association. Қол жеткізу: https://www.ama.org/topics/branding/
- В апреле значительно вырос спрос на видеоконтент — вице-министр. Қол жеткізу: https://elorda.info/news/15042020/162456/9491.html
- Влияние отзывов в социальных медиа на доверие, вовлеченность потребителей и продажи розничных сетей. Шиловский С. В. Практический маркетинг № 12 (262).2018
- 6 Ways to Use Video Marketing to Strengthen Your BrandBecome recognizable for the things that set you apart. Қол жеткізу: https://www.inc.com/young-entrepreneur-council/6-ways-to-use-video-marketing-to-strengthen-your-brand.html
- The Impact of Video in Your Marketing Strategy. Қол жеткізу: https://powerdigitalmarketing.com/blog/the-impact-of-video-in-your-marketing-strategy/#gref
- 44 Video Marketing Statistics 2021 [Infographic]. Қол жеткізу: https://www.renderforest.com/blog/video-marketing-statistics
- One Color Extraction Method in Marketing Video Production. Hak Hyun Choi, Seung Ae Lim, Jung Hee Kim, Advanced Science and Technology Letters Vol.47 (Culture and Contents Technology 2014), pp.172–176 Қол жеткізу: http://dx.doi.org/10.14257/astl.2014.47.40
