Қазіргі қоғамда инновациялық технологиялар адам қызметінің барлық салаларында, соның ішінде білім беру саласында да кеңейе түседі. Білім берудегі инновация өте даулы мәселе. Білім кейде ең консервативті әлеуметтік жүйелер мен мемлекеттік саясат салаларының бірі ретінде қабылданады. Елбасының кезекті жолдауында: «Ұлттың бәсекеге қабілеттілігі бірінші кезекте білімінің деңгейімен айқындалады», — деген тұжырымдамасы кез келген жеке тұлғаның құндылығын арттыра отырып, оны даярлайтынбілім берушінің өзінің жауапкершілігінің артуы, тынымсыз іс-әрекеттің негізіндегі еңбек, сапалы деңгейдегі нәтижеге қол жеткізе алу деген түсініктеме келеді десекте болады. Тәуелсіз, зайырлы мемлекеттің сүйеніші — білімді де саналы жас ұрпақ екендігін ұмытпағанымыз жөн [1].
Қазіргі кезде тәуелсіз елімізде білім берудің жаңа жүйесі жасалуда және әлемдік білім беру кеңістігіне енуге бағыт алуда. Бұл оқу-тәрбие ісі үрдісіндегі елеулі өзгерістерге байланысты болып отыр. Өйткені, білім беру парадигмасы өзгерді, білім берудің мазмұны жаңарып, жаңаша көзқарастар, жаңаша қарым-қатынастар пайда болуда. Келер ұрпаққа қазіргі қоғам талабына сай тәрбие мен білім беруде мұғалімдердің ғылыми-педагогикалық бағыттың негіздерін меңгеруі маңызды мәселелердің бірі деуге болады.
Соңғы жылдары сабақта инновациялық технологияны қолдану мәселесі күн санап көтеріліп келеді. Бұл жаңа мүмкіндіктер ғана емес, сонымен қатар оқытудың жаңа формалары мен әдістері, оқудағы жаңа тәсіл. Инновациялық технологияларды оқу үдерісіне енгізу қазіргі өмір қажеттіліктеріне байланысты шет тілдерін оқыту процесінде білім берудің мазмұны мен әдістерін жетілдірумен байланысты.
Технологиялық инновациялар барлық деңгейдегі білім беру жүйелеріне айтарлықтай әсер етеді. Онлайн курстар, оқу құралдары, білім беру бағдарламалық жасақтамасы, әлеуметтік желі құралдары және басқа да жаңа технологиялар дәстүрлі сынып ортасын бұзуда. Технологиялық инновациялардың оқушыларға, мұғалімдерге және мектептерге әсерін түсіну білім беруде технологияны басқару мен қолданудың стратегиялары мен әдістерін жасау үшін өте маңызды.
Білім беру мәселелерін шешу мұғалімдердің кәсіби дайындығынан басталатыны анық. Осыған орай, болашақ мектеп және колледж мұғалімдерінің білімі тек таңдалған саладағы іргелі білімге ғана емес, сонымен қатар жалпы мәдениетке, оның ішінде ақпараттық білімге негізделуі өте маңызды. Заманауи мұғалім өзінің «өз» пәнін үйретіп қана қоймай, сонымен қатар инновациялық технологияларды қолдана білуге және оларды белгілі бір білім беру саласында шығармашылықпен қолдана білуі керек. Бұл жағдайда жаңа технологияларды қолдана алатын мұғалімді ғана емес, зерттеуші, жаңашыл және экспериментті, шығармашылық ізденіске, тарихи педагогикалық мұраны сыни бағалауға және қазіргі қоғамға бейімделуге қабілетті жеке тұлғаны даярлау мақсаты тұр. Білім берудегі инновациялық теория бұл білім беру жүйесіндегі инновациялық процесс, инновациялық қызмет, жаңашылдық және инновациялық орта, онда инновациялық процестер жүреді.
«Инновация» ұғымын қарастырар болсақ, оған ғалымдар әртүрлі анықтамалар берген. Мәселен, Э.Раджерс инновацияны былайша түсіндірген: «Инновация — нақтылы бір адамға жаңа болып көрінетін идея». Майлс «Инновация — арнайы жаңа өзгеріс. Біз одан жүйелі міндеттеріміздің жүзеге асуын және шешімдерін күтеміз»,- деген.
Әрбір білім беру орындарында қазіргі таңда белең алып отырған кемшіліктер жетерлік, атап айтар болсақ: білім сапасының төмен болуы, білім саласына мемлекеттің тарапынан реформалар жүргізілгенмен оқудың нәтижесінің дұрыс болмауы, білім алушылардың өздігінен білім алуға құштарлығының болмауы,білім алушылар мен оқытушылардың бірлесе отырып шығармашылық нәтиже ге қол жеткізбеуі.
Бұл тығырықтан шығудың бірден-бір жолы — оқу-тәрбие ісіне инновациялық әдіс-тәсілдерді енгізу, әрбір білім алушылардың білімге деген қызығушылығы мен талпынысын арттырып, өз бетімен ізденуге, шығармашылыққа бет бұрып, еңбек етуге жол ашу. Инновация білім деңгейінің көтерілуіне жағдай жасайды [2].
Инновациялық-педагогикалық технологияларды теориялық зерттеулердің объектісі ретінде қолдануға мұғалімдерді тәрбиелеу үдерісі де жеткілікті түрде зерттелмеген, сондықтан интегралдық теория жоқ. Кәсіптік білім беруді жаңғыртуды ескере отырып, жұмыс берушілердің заманауи жоғары оқу орындарының түлектеріне қоятын талаптары, еңбек нарығындағы бәсекелестік, оқытудың сапалы жаңа технологияларын іздеудің маңыздылығы және болашақ маман даярлау процесіне жаңа сипаттамалар беру.
Оқу ісін дамытуда жаңа иновациялық технологияларды қолдану өте дұрыс деп ойлаймын. Өйткені қазір ақпараттық технологияның дамып өрістеп тұрған кезі. Қай жерге барсақта компьютермен жұмыс болсын басқа болсын кездестіреміз. Еліміздің болашағы жастардың қолында демекші,бізде бізден кейінгі ұрпақта осы технологияларды меңгере отырып, оны одан әрі тамытады деген сенімдеміз. Өз еліміздің жарқын болашағы үшін қолдан келгенді жасауымыз керек.
Әдебиет:
- Бейсенбаева А. А. Пәнаралық байланыс негізінде оқу процесін ұйымдастыру. — 54–55 бб.
- Раджерс Э. Инновация туралы түсінік. — 67–68 бб.
