Turizm bugungi kunda eng katta daromad keltiradigan va jadal rivojlanib borayotgan sohalardan biridir.Ziyoratgoh va tarixiy qadamjolarni obodonlashtirish turizmni, ayniqsa ichki turizmni rivojlantirish bugungi kunning eng dolzarb vazifalaridan biriga aylandi.Bugungi kunda yurtimizda turizm sohasida qilinayotgan islohotlar muvaffaqiyatli amalga oshirilishi natijasida chet el fuqarolarining oqimi yildan yilga ko'payotganini ko'rib guvohi bo'lishimiz mumkin.
Kalit so'zlar: Jizzax viloyati, Zomin tumani, ziyoratgohlar, Xo'jai Sarob Ota, Mavlono Muhammad Peshag'oriy, turizm maskani
Туризм является одним из секторов, которые сегодня приносят наибольший доход и быстро развиваются. Развитие туризма, особенно внутреннего, стало одной из самых актуальных задач сегодняшнего дня.Сегодня, благодаря успешной реализации проводимых в нашей стране реформ в сфере туризма мы можем стать свидетелями того, что поток иностранных граждан из года в год увеличивается.
Ключевые слова: Джизакская область, Зааминский район, паломники, Хужай Сараб Ота, Мавлоно Мухаммад Пешагари, туристическая достопримечательность
Tourism is one of the most lucrative and fast-growing industries today. Landscaping of shrines and historical sites has become one of the most pressing tasks today in the development of tourism, especially domestic tourism.Today, as a result of the successful implementation of reforms in the field of tourism in our country, we can see coming people from all over the world is growing year by year.
Keywords: Jizzakh region, Zaamin district, shrines, Khojai Sarob Ota, Mavlono Muhammad Peshagori, tourist destination.
O'zbekiston katta sayyohlik salohiyatiga ega mamlakatdir. Turizm yangi ish o'rinlari yaratish va turmush darajasini yaxshilashda muhim rol o'ynaydi.So'nggi yillarda mamlakatimizda ushbu sohani rivojlantirishga alohida e'tibor qaratilmoqda.Jizzax viloyati Zomin tumanida, ayniqsa, turizmni rivojlantirish bo'yicha muhim ishlar amalga oshirilmoqda.Zomin tog'lari o'zining qadimgi tarixiy strategik ahamiyati, go'zal tabiati, boy mineral-xomashyo resurslari va hammaga ma'lum va mashhur ziyoratgohlari bilan qadimdan tanilib kelgan.Bu maskanda joylashgan shunday ziyoratgohlardan biri ham bugungi kunda turizm maskaniga aylanib chet ellik mehmonlar bilan gavjum.Bu qadimiy ziyoratgoh Zomin tumani Pishag'or mahallasi yaqinidan o'tgan yo'lning chorrahasida joylashgan.Bu joyni mahalliy aholi «Xo'jai Sarob Ota» ziyoratgohi deb atashadi.Fors tilidan tarjimasi «Suv boshining egasi».Ushbu ziyoratgoh yashil o'simliklar,daraxtlar va bog'lar bilan qoplangan bo'lib, kelgan ziyoratchilarning ko'ngli musaffolik va ziyo nuri bilan to'lib toshadi.Bu ziyoratgohning atrofini quyuq daraxtzor o'rab turgani, etakda adirlab oralab Ravodsoy tekisligigacha cho'zilib ketgan katta qishloqni suv bilan ta'minlaydigan buloq aynan mana shu yerdan boshlangani uchun ham bu yerni «Xo'jai Serob» deb atashadi. Bu yerda vaqt xuddi to'xtab qolgan,ziyoratchilarning ko'ngliga yorug'lik va ulug'vorlik baxsh etgan, kulfatlar va qiyinchiliklar esa barham topib ulardan chekingandek tuyuladi. Sal teparoqda esa avliyoning qabr toshini uning yonida esa ushbu dargohga ulug'vorlik va joziba baxsh etgan masjidni ko'rishingiz mumkin. Albatta, ziyoratgohdagi qabr toshi kimga tegishli degan haqli savol tug'iladi, javobi esa juda oddiy, bu mahalliy atoqli mutafakkir bo'lmish Mavlono Muhammad Peshag'oriy dafn etilgan joy hisoblanadi.Ba'zi ma'lumotlarga ko'ra qadimiy mutafakkir 1321 yilda tug'ilgan.Atoqli alloma shaxsi xususidagi ma'lumotlarni siz, Faxriddin Ali ibn Voiz al Koshifiy qalamiga mansub bo'lgan «Rashxat-ul aynulxayot» solnomasida uchratishingiz mumkin.Ushbu ma'lumotlarga ko'ra, Mavlono Muhammad Peshag'oriy nasroniy kalendariga ko'ra 700 yilda tavallud topgan bo'lib, uni ko'pchilik «Xojai Ser-ob yoki «Xojai Sar-ob» nomi bilan tanigan.
Aytishlaricha, Mavlono Muhammad Peshag'oriy bu joyga uzoq o'lkalardan kelgan va umrining oxirigacha shu joyda yashab o'tgan.Ajablanarlisi, mavlono bu joyni bekorga tanlamagan, bu joyning shu yerda qolishga va mahalliy aholiga bilimlarini ulashishiga undagan.Shu yerning aholisiga ta'lim berib savodli qilgan.
Mahalliy keksalar tilida Muhammad Peshag'oriy to'g'risida turli afsonalarni eshitish mumkin,aytishlaricha u bu yerda o'ziga uncha katta bo'lmagan uy qurgan va mehnat qila boshlagan, mahalliy urf-odat va an'analarga yaqinlashish maqsadida o'ziga «Pishag'oriy» ya'ni «Pishag'orlik» nomini olgan.
Xo'jai Sarob Ota umrining so'nggi kunlarigacha shu qishloqda yashab, bog'dorchilik, uzumchilik bilan shug'ullangan va yoshlarni hunarmandchilikka va halol mehnat qilishga o'rgatgan.
Xalq orasida inson salomatligi uchun foydali bo'lgan shifobaxsh tog' bulog'i suvi juda mashhur.Kasalligi bor insonlar ushbu suvdan ichsa,shubhasiz ushbu irmoq suvi og'riqlarni qondirishda va kasalliklarni davolashda yordam beradi.Suvning bunday shifobaxsh xususiyati insonlarning dardlariga davo bo'lmoqda.Bundan tashqari bu suvning go'zal jilosi ham har qanday kishini diqqatini tortadi.
Bu yerning go'zal tabiat, ajoyib ko'zni qamashtiradigan irmoqlari va toza havosi har qanday kasalligi bor insonlar uchun juda ham foydalidir.
Hozirgi kunda ushbu irmoq suvidan Pishag'or va Qang'li qishlog'ida istiqomat qiluvchi 3 mingdan ortiq mahalliy aholi iste'mol qilib kelmoqda.
Ishonish qiyin, lekin qalb oynasidek tiniq bo'lgan ushbu irmoq suvining bir qultumi ham har qanday chanqoqni qoldiradi hamda ajoyib ta'mdan rohatlanishga imkon beradi.Buloq va irmoqlarda suzib yurgan baliqlar tabiat in'omlari va ziyoratchilar tashlagan non ushoqlari bilan oziqlanishadi. Aynan shular ziyoratgohning tarovati va musaffoligidan dalolat beradi.
Mustaqillik sharofati bilan Mavlono Muhammad Peshag'oriy ziyoratgohi ekoturizm markaziga aylandi, bu yerda qo'shni viloyatdan kelgan mehmonlar bilan bir qatorda chet ellik sayyohlarni ham aylantirish mumkin.Ziyoratgoh infrastruktura rivojlantirishda Pishag'or, A.Ilashev, Yu.Ahmedov va S.Karshiboyev qishloqlari aholisining hissasi katta bo'ldi.Aynan ularning mehnati bilan 1997 yildan 2001 yilgacha bo'lgan muddat oralig'ida ziyoratgohda katta bog'lar yaratildi. Bugungi kunda bu ziyoratgoh o'zining ko'rkamligi va ajoyib xushmanzara tabiati bilan chet ellik mehmonlar mehrini qozondi.
Zomin tumani ana shunday muqaddas qadamjolari bilan birga o'zining betakror tabiati, toza havosi hamda samimiy va mehmondo'st insonlari sababli ham sayyohlarni o'ziga bamisoli ohangrabodek jalb etadi.
Xalq orasida «O'zbekiston Shvetsariyasi» deb nomlangan bu tuman, nafaqat, ziyoratgohlari, balki, Turkiston tog' tizmasining shimoliy yon bag'rida dengiz sathidan 2000 metr balandlikda joylashgan Zomin sihatgohi bilan ham yurtimizga kelayotgan mehmonlarning diqqat e'tiborida.Bu sihatgoh nafas olish tizimida kasalligi mavjud bo'lgan insonlar uchun tabiiy sog'lomlashtirish maskani hisoblanadi.Hozirgi kunda ushbu sihatgohning toza havosi, zilol suvi, go'zal tog'li landshafti hamda tajribali shifokorlarning muolajalari natijasida nafas yo'llari va asab tizimida kasalligi mavjud bo'lgan yurtimiz aholisi va chet el fuqarolari samarali davolanib kelmoqdalar.
Shubhasiz, bularning barchasi mustaqillikning bizga yaratib berayotgan imkoniyatlari va sohada olib borilayotgan keng islohotlar bugungi kunda tariximizni bilishimizga, ota-bobolarimizdan qolgan meroslarni asrab avaylashga, ajdodlarimiz bilan faxrlanishga keng imkon berdi.Xalqimiz o'zining yorqin kelajagiga ishonch koz'lari bilan boqayotgan ayni paytda, biz haqiqatdan ham o'zbek xalqining boy tarixi to'g'risida butun dunyoga baralla gapirish imkonini qo'lga kiritdik.
Adabiyot:
- Atabayev R. Turizm resurslarini tahlil qilish va baholash. Sam.ISI — 2006.
- O.Burgutli. Bu eski zomin. Toshkent, 1996 y.
- www.zomin.jizzax.uz
